Comeza a andaina do novo blog da biblioteca. Chámase Bibliototem porque 9 totems a protexen. O material de que están feitos son os vellos caneiros do instituto, que botaran ao claustro os obreiros que facían a reforma do tellado. Non podían quedar convertidos en mera ferralla porque por eles fluíu durante 23 anos a auga da chuvia e con ela moitas historias, sentimentos, ilusións, proxectos....Agora nos serven de testemuño e de inspiración.



jueves, 5 de mayo de 2011

CEDOFEITA, as raíces medievais.

CEDOFEITA, as raíces medievais é unha exposición que nos lembra un dos elementos senlleiros do pasado de Lérez que os documentos medievais identifican como CASTELLUM de CITOFACTA que, co paso do tempo, rematou sendo coñecido por CEDOFEITA.
Nela móstrase unha serie de documentos que falan da súa importancia estratéxica e da súa antigüidade, asi como dos momentos en que foi motivo de disputas e escenario de loitas entre Afonso Henriques de Portugal e Fernando II, rei de Galicia e León.
Completan a exposición lendas do monte Castelo, lugar onde se erguía a referida fortificación e outros elementos arqueolóxicos da zona.
Feito por Xaime Iglesias González, profesor de Lingua e Literatura Galegas.




No hay comentarios: