Comeza a andaina do novo blog da biblioteca. Chámase Bibliototem porque 9 totems a protexen. O material de que están feitos son os vellos caneiros do instituto, que botaran ao claustro os obreiros que facían a reforma do tellado. Non podían quedar convertidos en mera ferralla porque por eles fluíu durante 23 anos a auga da chuvia e con ela moitas historias, sentimentos, ilusións, proxectos....Agora nos serven de testemuño e de inspiración.



domingo, 23 de octubre de 2011

24 DE OUTUBRO, DÍA DAS BIBLIOTECAS

Hoxe conmemórase, un ano máis dende a súa creación en 1997, o Día da biblioteca. E nós queremos celebralo invitándovos a visitar a biblioteca do noso centro, a ollar os seus libros, a levarvos para casa algún que vos interese, para que o disfrutedes, para que aprendades con el.
Normalmente é a Biblioteca a que xenerosamente nos ofrece todos os seus materiais para conmemorar datas claves, premios, centenarios de autores.... ou para montar exposicións temáticas. Hoxe a homenaxeada é ela.
Aínda que está invitada a esta celebración toda a comunidade educativa, haberá unha visita guiada da biblioteca para os alumnos de 1º ESO, por ser novos no centro, que recibirán a nova Guía da biblioteca, deseñada pola profesora de Plástica, Margarita Esteban.

Esta é a nova Guía:





No hay comentarios: