Comeza a andaina do novo blog da biblioteca. Chámase Bibliototem porque 9 totems a protexen. O material de que están feitos son os vellos caneiros do instituto, que botaran ao claustro os obreiros que facían a reforma do tellado. Non podían quedar convertidos en mera ferralla porque por eles fluíu durante 23 anos a auga da chuvia e con ela moitas historias, sentimentos, ilusións, proxectos....Agora nos serven de testemuño e de inspiración.



jueves, 18 de diciembre de 2014

GUÍA NADAL 2014. Do papel ao celuloide


Como sabedes, as adaptacións cinematográficas de libros sempre xeran polémica. Para algúns, a historia orixinal sempre  perde nas adaptacións e para outros, ao contrario, é un valor engadido ao texto o feito de que as historias cobren vida na pantalla -sempre que o traballo se fixera con rigor, claro.

Pois, efectivamente, hai de todo. Podemos atopar películas que lle fixeron un fraco favor ao texto, ata o punto que se alguén ve a versión cinematográfica  queda sen ganas de ler o libro no que estivera baseada. E non imos dar nomes, pero a lista seria abundante.  Ou todo o  contrario, algunhas están tan logradas que substitúen na nosa retina e na nosa imaxinación a obra orixinal. Estou a pensar, por exemplo, en O nome da rosa. Non sei se Umberto Eco estará de acordo, pero é case imposible reler a novela sen poñerlle a Guillerme de Baskerville o rostro de Sean Connery e concibir un escenario distinto a abadía benedictina recreada polo director, Jean-Jacques Annaud.

Aquí tedes unha selección de películas e os seus correspondentes libros e vós elixides a lectura ou o visionado. Con que vos quedades?  De calquera xeito, disfrutádeos.




L

No hay comentarios: