Comeza a andaina do novo blog da biblioteca. Chámase Bibliototem porque 9 totems a protexen. O material de que están feitos son os vellos caneiros do instituto, que botaran ao claustro os obreiros que facían a reforma do tellado. Non podían quedar convertidos en mera ferralla porque por eles fluíu durante 23 anos a auga da chuvia e con ela moitas historias, sentimentos, ilusións, proxectos....Agora nos serven de testemuño e de inspiración.



sábado, 11 de febrero de 2017

Día Internacional da Muller e da Nena na Ciencia



Gabriela Gonzalez, Celina M. Turchi, Alexandra Elbakyan, Elena Long, Hipatia de Alejandría, Jane Goodall, Rosalind Franklin, Marie Curie, María Josefa Wonenburger, María José Alonso, Margarita Salas, Sophie Germain, Emmy Noether,  Barbara McClintock,  Lise Meitner, Gerty Theresa Cori , Rosalyn Yalow , Bárbara Mc Clintock, Rita Levi-Montalcini, Pilar Mateo, Celia Sánchez Ramos, María A. Blasco, María Vallet-Regí, Jocelyn Bell, Esther Lederberg, Chien-Shiung Wu, Henrietta Leavitt, Alicia Calderon, Margarita Marqués, Begoña Vila, Augusta Ada Byron (Condesa de Lovelace), Ida Tacke, Vera Rubin, Émilie du Châtelet, Gertrude B. Elion, Christiane Nüsslein-Volhard, Linda B. Buck, Francoise Barré-Sinoussi, Inmaculada Paz-Andrade, María Teresa Miras, Marisol Soengas, Carmen Navarro, Cecilia Payne, Caroline Herschel, María Agnesi, Laura Bassi, Jocelyn Bell Burnell, Elizabeth H. Blackburn, Carol W. Greide, Carmen García, Amelie Meyer, Allison Bailey, Gertrudis de la Fuente…

Son unha pequena mostra de mulleres que dedicaron ou dedican unha parte importante da súa vida á ciencia. Sen embargo, para facer esto posible, foron e son moitas as barreiras que ten que superar. De acordo cun estudo realizado en 14 países, a probabilidade de que as estudiantes terminen un grao, unha maestría e un doctorado nalguna materia relacionada coa ciencia é do 18%, 8% e 2%, respectivamente, mentres que a probabilidade para os estudantes masculinos aumenta a 37%, 18% e 6%.

Esto explica que só o 28% das persoas que se dedican á investigación sexan mulleres. E se nos fixamos nos recoñecementos e premios, as cifras aínda son máis chamativas. Por exemplo, dos 590 científicos galardonados co Premio Nobel tan só 17 son mulleres.
Se nos centramos no noso país, aínda que se matriculan e gradúan máis mulleres que homes en carreiras científicas, o acceso a oportunidades de emprego non se corresponde coa súa supremacía no campo formativo. Según un informe do CSIC, as mulleres ocupan só o 20% dos postos directivos relacionados coa ciencia e tan só o 18% reciben os premios científicos otorgados en España. Estes datos non sorprenden se temos en conta que neste mesmo informe, elaborado no 2015, un 63% dos españois consideraban que as mulleres non dan a talla en labores científicas de alto nivel.
Sobran, pois, os motivos para que a Asamblea Xeral das Nacións Unidas proclamara o 11 de febreiro de cada ano o Día Internacional da Muller e da Nena na Ciencia. O que busca a celebración desta data é  visibilizar o traballo das investigadoras e impulsar o papel da muller na ciencia. 


No hay comentarios: