Escritoras

Esta é unha selección de contadoras de historias, poetisas, ensaístas, divulgadoras de ciencia… realizada polo equipo de biblioteca. Nela queremos destacar o traballo, a creatividade e o interese dos temas desenvolvidos por mulleres escritoras que, salvo contadas excepcións, non soen formar parte das listas dos “mellores escritores” ou “libros que hai que ler”, copadas maioritariamente por homes. En moitas desas escolmas as mulleres están silenciadas ou ocupan un lugar secundario. Será porque as elaboran homes, ou peor, escritores aos que lles custa admitir a autoría das mulleres? Nós quixemos cambiar a tendencia e visibilizar obras de mulleres escritas para mulleres e homes.