Hoxe o alumnado de 1.º e 2.º de ESO do Club de lectura de Igualdade tivo a oportunidade de conversar con Eva Mejuto da súa obra 22 segundos. Unha vez presentada a autora, o grupo mantivo un animado diálogo con ela no que xurdiron preguntas moi interesantes e grazas ao que descubriron como foi creada a novela, o proceso de investigación necesario previo á súa redacción, a importancia de dar visibilidade a diversidade para fomentar a comprensión doutras realidades e tamén algunha que outra curiosidade sobre o proceso de edición. Unha hora de encontro moi ben aproveitada! Moitísimas grazas a Eva Mejuto polo tempo dedicado e polos doces cos que nos agasallou!
Ningún comentario:
Publicar un comentario