Blackout poetry ou poesía escura

Co fin de achegar a biblioteca do centro á materia de E. Plástica e viceversa, en 1º de ESO propuxemos 2 actividades de desenvolvemento da creatividade  ( Blackout poetry ou poesía escura e Poema-obxecto) tendo en conta o lema Poéticas diversas, que a Consellería de Educación, Universidade e Formación Profesional presentou para o curso 2018/2019.

Na primeira, Blackout poetry ou poesía escura, partimos da idea de dar unha segunda vida a libros de expurgo da biblioteca. No noso interese estaba reciclar un soporte para crear unha nova obra. Descontextualizamos o libro repartindo a cada alumno unha folla. Con materiais diversos ceras, rotuladores témperas...fomos tapando, ocultando, o escrito polo autor e, á vez, salientando e revelando palabras que configuraban un texto poético cun significado totalmente diferente ao narrado na súa orixe.

Para conmemorar o Día do Libro e dado o bo resultado, presentamos a actividade ao programa TEI co fin de traballar a actividade conxuntamente entre o alumnado de 1º e 3º de ESO, sendo os/as rapaces/rapazas de 1º quen explicarían a actividade aos seus titores/as

Así foi o proceso:

E o resultado

Poema-obxecto

"O poema-obxecto ofrécese á vista como un enigma visual, descifralo esixe lelo, pero...coidado! Non se propón contar ou entreter, senón marabillar: O seu carácter é poético".
Con esta premisa e vendo a obra de diversos artistas, iniciamos a 2º actividade de achegamento da biblioteca á materia de E. Plástica e viceversa. Dándolle voltas, comezamos elixindo un concepto calquera, e dándolle máis voltas pensamos en obxectos cotiás que puideran ser descontextualizados e que chegaran a definir poéticamente o concepto seleccionado.

ReciclArt

En febreiro, días antes das vacacións de Entroido, en clase de Educación Plástica de 1º de ESO estivéronse a ver e a analizar máscaras dos 5 continentes. Por suposto salientaron as nosas, as espectaculares "pantallas", "cigarróns", "boteiro" e "peliqueiros".
Centráronse nas africanas e descubriron a obra de Romuald Hazoumé, un artista recoñecido internacionalmente, nacido en Porto Novo -República de Benin, que reivindica a cultura ancestral do seu pobo a través do uso de materiais contemporáneos. Recicla obxectos de uso cotián que perderon a súa función, bidóns por exemplo, e reinterpreta as súas raíces á vez que fai unha crítica social e unha denuncia das inxustizas.

Versionando a Romuald Hazoumé, a profesora Margarita Esteban Muñecas formulou un exercicio de reciclaxe e creación artística que despois mostrouse no vestíbulo do instituto. Estas son algunhas das pezas: