Procurando sesgos nos titulares de prensa

Dentro das actividades deseñadas no noso PFPP, o profesorado de lingua castelá estivo traballando a súa proposta a partir da lectura de Nómades. A actividade consistiu en analizar sesgos nos titulares de prensa, que condicionan moito a nosa visión do mundo. Velaquí algunhas das imaxes da xornada.

Ademáis, o alumnado compuxo textos poéticos sobre o tema das migracións a partir da obra escollida:

Plan de formación de profesorado

Seguimos co noso PFPP sobre proxectos interdisciplinarios desde a biblioteca escolar. Hoxe estivemos a preparar actividades de matemáticas, economía, linguas e francés en relación a Nómades, de Xosé Tomás.

Samaín na biblioteca

Durante estes días previos ao Samaín, a nosa biblioteca viu xurdir bruxas, vampiros, caveiras e esqueletos. 

Nesta actividade, organizada polo Departamento de tecnoloxía en colaboración coa biblioteca, o alumnado de 2 ESO creou os seus "gardiáns do saber", bonecos inspirados no Samaín (deseño e manipulación de materiais) xunto a conxuros terroríficos, todos eles relacionados coa lectura, coma o que vos deixamos a continuación:

"Un, dous, tres, ti vas ler,

Tres, dous, un, se non o fas, moito medo pasarás"

Exposición ano Castelao

Con motivo do 75 aniversario do seu pasamento, e a partir da proposta de traballo da Biblioteca (en colaboración cos Departamentos de Lingua e literatura galega e Lingua e literatura castelá), o alumnado de 1ºBacharelato elaborou paneis expositivos sobre a vida e a obra de Castelao. Aquí vos deixamos o traballo escollido para a súa impresión, realizado por Sofía e Emma.

 

Proxecto competencial

Na biblioteca estamos de celebración porque no día de hoxe recibimos, para que forme parte da nosa colección, o dosier do proxecto realizado polo alumnado de 4 ESO na materia Proxecto competencial, dirixido pola profesora Pilar de Educación Física. Como non podía ser doutro xeito este ano, o tema xirou arredor do cancioneiro popular, a partir do cal os alumnos e alumnas deseñaron os seus propios xogos. Unha marabilla de traballo que custodiaremos con moito mimo. Parabéns!

Blackout poetry ou poesía escura

Co fin de achegar a biblioteca do centro á materia de E. Plástica e viceversa, en 1º de ESO propuxemos 2 actividades de desenvolvemento da creatividade  ( Blackout poetry ou poesía escura e Poema-obxecto) tendo en conta o lema Poéticas diversas, que a Consellería de Educación, Universidade e Formación Profesional presentou para o curso 2018/2019.

Na primeira, Blackout poetry ou poesía escura, partimos da idea de dar unha segunda vida a libros de expurgo da biblioteca. No noso interese estaba reciclar un soporte para crear unha nova obra. Descontextualizamos o libro repartindo a cada alumno unha folla. Con materiais diversos ceras, rotuladores témperas...fomos tapando, ocultando, o escrito polo autor e, á vez, salientando e revelando palabras que configuraban un texto poético cun significado totalmente diferente ao narrado na súa orixe.

Para conmemorar o Día do Libro e dado o bo resultado, presentamos a actividade ao programa TEI co fin de traballar a actividade conxuntamente entre o alumnado de 1º e 3º de ESO, sendo os/as rapaces/rapazas de 1º quen explicarían a actividade aos seus titores/as

Así foi o proceso:

E o resultado