Invitad@s aos nosos podcast

Hoxe contamos coa presenza de Cris Vázquez (orientación), Alexandre Ríos (profesor de historia) e Mar García, educadora social que traballa en actividades do Concello, para a grabación definitiva do noso podcast sobre "drogas e adolescencia" e "ultradereita e mocidade". Moitas grazas pola vosa colaboración!

Visita a Pontevedravivaradio

Hoxe, Pontevedraviva publica a nosa visita ás súas instalacións. Podedes acceder á noticia completa pinchando aquí.

Obradoiros de benestar e convivencia

Hoxe, o alumnado de 1 ESO tivo unha nova sesión dos obradoiros de benestar e convivencia. Na biblioteca, estivemos a narrar anécdotas persoais para coñecernos mellor e pasámolo xenial!

Recomendacións do alumnado de 2º ESO B (Caixa de tempos de lectura, lingua e literatura castelá)

Na clase de lingua castelá, estivemos lendo esta semana os libros da caixa de Hora de ler. O alumnado de 2º ESO B realizou para vós estas recomendacións (todos os libros estarán dispoñibles na biblioteca para levar en préstamo). 

Biblioteca + deseño - Viaxe á creatividade

A partir do lema das Bibliotecas escolares de Galicia deste 2026, propoñémosvos un obradoiro de achegamento ao deseño de espazos, da man das arquitectas de Taller Abierto. Anotádevos na biblio ata o 4 de marzo. As prazas son limitadas!

Novos paneis expositivos

Hoxe recibimos a Anxo e Ricardo, exalumnos, xunto ao seu profe de madeiras, Juan Antonio, que nos entregaron os encargos que lles fixeramos. Precisabamos paneis expositivos a medida para a biblioteca, e aquí está o resultado. Moitas grazas polo voso traballo, rapaces!

Tempos de lectura

Continuamos coas sesións de tempos de lectura en 1 e 2 ESO. Nesta ocasión, non viaxaron os libros ás aulas, senón que o alumnado estivo na biblioteca lendo os materiais seleccionados. Aínda que hai títulos e obras para todos os gustos, estase a crear unha boa canteira de lectores e lectoras de banda deseñada, e nos encanta que se acheguen a este xénero con tantas ganas.