Comeza a andaina do novo blog da biblioteca. Chámase Bibliototem porque 9 totems a protexen. O material de que están feitos son os vellos caneiros do instituto, que botaran ao claustro os obreiros que facían a reforma do tellado. Non podían quedar convertidos en mera ferralla porque por eles fluíu durante 23 anos a auga da chuvia e con ela moitas historias, sentimentos, ilusións, proxectos....Agora nos serven de testemuño e de inspiración.



lunes, 10 de junio de 2013

Guía de verán. Mirando o mar.


Para o verán que xa está en portas, aínda que non o pareza, propoñémosvos un mergullo no mar, nos nosos mares pero tamén en mares afastados. Como facelo? Moi sinxelo. A través dos libros que aparecen na Guía de Lectura.

Con eles podemos quedar preto, na praia de Panxón co inspector Caldas ou buscar en Brétema con Fins, Leda e Brinco o que o mar bota tras algún naufraxio. Podemos contemplar o mar Adriático dende un hotel veneciano. Podemos aventurarnos e ir ata Nova Escocia en busca dun tesouro, ou a mares antárticos a bordo dun barco baleeiro acompañando a Arthur Gordon Pym, ou tamén aos mares do Sur, seguindo os pasos de Gauguin.

Boa travesía e bo verán¡





 


No hay comentarios: