O alumnado de 4 ESO que cursa Expresión plástica gozou do Obradoiro impartido por #pedrasdepapel organizado por Biblioteca en colaboración co EDLG e os Departamentos de Debuxo e Lingua e literatura galegas. Velaquí os resultados:
Ademais, o alumnado voluntario elaborou para a biblio unha decoración ben peliqueira. Grazas!!
Na mañá de hoxe, o alumnado de 3°ESO asistiu a unha charla sobre alimentación saudable impartida pola farmacéutica e nutricionista Marta Samartín. A actividade foi organizada polo Departamento de Bioloxía e Xeoloxía.
Que ben o pasamos cando traballamos xuntos respectando o espazo alleo!
Na mañá de hoxe, o alumnado de 4º ESO -que cursa a materia de Expresión artística- realizou na biblioteca un obradoiro de caroutas do Entroido tradicional galego a cargo de Electra, do Proxecto Pedras de papel. Despois de achegarnos brevemente aos tipos de máscara do Entroido dos pobos de Galicia e de analizar os materiais empregados, puxémonos mans á obra para dar forma aos volumes. Na próxima sesión, tocará decoración das pezas creadas polo alumnado.
Esta tarde o alumnado participante no Club de lectura Petiscos de arte traballou a figura de Jackson Pollock, a través do texto e as imaxes de Fausto Gilberti (Ed. Phaidon). Velaquí as imaxes da xornada!
O noso alumnado voluntario está xa a preparar o Entroido coa ambientación da biblioteca.
Ademais, o alumnado de 4 ESO terá unha sesión divulgativa sobre o Entroido tradicional galego e, aqueles que cursan a materia de Educación Plástica, gozarán os días 20 e 27 dun obradoiro de máscaras dirixido por Electra, de Pedras de Papel, e organizado por Biblioteca (en colaboración co EDLG e o Departamento de Educación Plástica e Visual).
Xa están dispoñibles en biblioteca os novos materiais co sistema Lectura fácil. Proximamente, habilitaremos un espazo para que os atopedes sen dificultade.
Mujeres con ciencia Mulleres de portada Cómic Científicas Vídeo Científicas Oceánicas
.jfif)
O alumnado de Bacharelato participou hoxe no Torneo de debate académico da Fundación Barrié en A Coruña. Despois de moitas xornadas de investigación, procura de argumentos, ensaios grupais e unha maratoniana xornada con tres debates ás nosas costas, non podemos máis que felicitarvos. Grazas polo voso traballo, compromiso e enerxía!
Aroa Gómez, de 1 de Bacharelato, agasallounos na mañá de hoxe cun recital de piano, acompañado por un texto escrito por ela mesma trala lectura da banda deseñada Ginette Kolinka. Adiós, Birkenau. Foi un verdadeiro pracer escoitala para conmemorar o Día en memoria das vítimas do Holocausto e o Día da Paz e a non violencia. Que mellor maneira de loitar contra a barbarie que coa música e a literatura...
