Traballando na biblio coas actividades do proxecto do PFPP

Estes últimos días andivemos a traballar nas propostas deseñadas no PFPP da Biblioteca sobre romper estereotipos sobre as persoas migrantes e aquí vos quedan algunhas imaxes!

Procurando sesgos nos titulares de prensa

Dentro das actividades deseñadas no noso PFPP, o profesorado de lingua castelá estivo traballando a súa proposta a partir da lectura de Nómades. A actividade consistiu en analizar sesgos nos titulares de prensa, que condicionan moito a nosa visión do mundo. Velaquí algunhas das imaxes da xornada.

Ademáis, o alumnado compuxo textos poéticos sobre o tema das migracións a partir da obra escollida:

Andaina musical con Fundación Legar

O alumnado de 3 ESO gozou esta mañá dun roteiro musicado con @Fundacionlegar, organizado por Biblioteca e o Departamento de música. Aprendemos sobre instrumentos tradicionais, música de raíz, etnografía e convivencia, nun día solleiro que foi unha marabilla. Grazas por esta xornada!

 

O club de lectura de Narrativa Galega tivo o privilexio de compartir un encontro con Inma López Silva para conversar sobre a súa novela Escola de mulleres, unha obra que deu lugar a un intenso e enriquecedor debate entre as persoas participantes.

 

A autora mostrouse moi próxima e accesíbel durante toda a sesión, respondendo con detalle a todas as preguntas e aclarando os pormenores da novela. As súas explicacións permitíronnos comprender mellor as motivacións da protagonista, as decisións que marcan o seu percorrido vital e o proceso creativo que hai detrás da historia.

Foi especialmente interesante coñecer as razóns que levaron a López Silva a situar a protagonista no mundo da prostitución, unha escolla plenamente consciente e ao servizo da reflexión que a novela propón sobre a sociedade contemporánea. A autora explicou como este contexto lle permitía abordar cuestións complexas relacionadas co poder, a liberdade, o desexo, a identidade e as contradicións que atravesan a vida das mulleres.

 

Escola de mulleres preséntase como unha novela moi ben escrita, culta e intelixente, na que conviven a reflexión filosófica, a riqueza literaria e unha fonda crítica social. A través da súa protagonista, a autora interpela o lector sobre cuestións como o peso do patriarcado, a saúde mental, as relacións de poder e as dinámicas que se estabelecen no ámbito universitario, ofrecendo unha mirada incisiva e ao tempo chea de matices.

A sinceridade e a cercanía de Inma López Silva converteron este encontro nunha experiencia especialmente gratificante para o noso club de lectura. As súas explicacións permitíronnos redescubrir a novela desde novas perspectivas e confirmar a riqueza dunha obra que convida á reflexión e ao debate moito máis alá da súa última páxina.

Queremos agradecer á autora a súa dispoñibilidade, a xenerosidade coas súas respostas e o tempo compartido connosco. Foi un encontro inesquecíbel que completou dunha maneira excepcional a lectura de Escola de mulleres.

 

Aprendendo as partes dun libro

Durante estes días andivemos construíndo libros e aprendendo a denominación das súas partes: lombo, cuberta, contracuberta, gardas... e quedaron ben chulos! Nada mellor que aprender facendo!

Novos títulos na biblio para os tempos de lectura!

Xa están dispoñibles na biblioteca os novos libros de historia para os tempos de lectura!

Nova xornada do Plan de Benestar e convivencia

Xa chegando ás últimas sesións do ano das actividades da biblioteca dentro do Plan de Benestar, hoxe andivemos a voltas co traballo colaborativo!