Biblioteca escolar, a escena!

Biblioteca escolar a escena! Hoxe tivemos o privilexio de visitar o Teatro principal de Pontevedra e de coñecer as partes non visibles dende o patio de butacas: o peine, o foso, os camerinos... Ata o técnico de cultura do Concello parouse con nós para contarnos a historia e curiosidades deste edificio emblemático da nosa cidade! Logo, subímonos ao escenario para pasalo en grande coa improvisación. Grazas a Baobab teatro pola súa visita guiada, ao técnico de cultura e a Alberto, técnico do Principal, por esta xornada tan sorprendente. Actividade organizada por Biblioteca en colaboración co EDLG.

Biblioteca escolar, a escena!

Co gallo do lema das bibliotecas escolares deste ano, e en colaboración co EDLG, contamos no noso centro coa presenza de Andrea Bayer, directora, guionista e actriz de teatro, que traballou con nós a expresión dramática e a improvisación. Como vedes nas imaxes, pasámolo realmente ben!

O vindeiro 22 de maio acudiremos con ela ao Teatro Principal de Pontevedra para falar do "teatro por dentro". Moitas grazas a Andrea e ao alumnado participante por unha xornada divertidísima!

Día das Letras Galegas 2014 II

O día 14 de Maio, dentro das actividades realizadas no centro para celebrar a Semana das Letras Galegas, alumnos de 1º de ESO, dirixidos pola profesora de Lingua e Literatura Galega, Amalia Graña, representaron no salón de actos do Instituto a obra de teatro Restaurante Farruco de Chus Pereira.
A peza ten un só acto, transcurre nun só día e a acción se desenvólvese nun só espazo, o Restaurante Farruco.
A autora utiliza o verso rimado e, cun ritmo trepidante, presenta situacións disparatadas entre os clientes, os camareiros e algúns dos ingredientes dos menús.

Acabamos o acto cantando e bailando con Paco Nogueiras e Con Díaz Castro.