venres, 22 de marzo de 2024

Última xornada da Semana CAM 2024

Na xornada de hoxe tivemos un faladoiro sobre os cómics favoritos dos clubs de lectura de Xunqueira I e Xunqueira II. Despois, celebramos o Pasapalabra cos oito clasificados do Kahoot de onte e acabamos a xuntanza cun obradoiro de koinobori e chapas e unha merendola na cafetería. Grazas a Cecilia, Gema, Mohamed, Juan, Óscar e Nora pola coordinación das actividades de hoxe.














xoves, 21 de marzo de 2024

Actividades da Semana CAM

Na xornada de hoxe convidamos ao Club de manga e cómic de A Xunqueira I para gozar de actividades como a charla sobre Cosplay (dirixida por Gema e Xiana), o kahoot (organizado por Cecilia) e a proxección do clásico do Estudio Ghibli "La tumba de las luciérnagas".










mércores, 20 de marzo de 2024

A biblioteca recomenda El duelo de Paula Cheshire


A semana pasada tivemos o pracer de coñecer a Paula Cheshire no marco do Salón do Libro de Pontevedra, e quedamos con ganas de achegarnos á súa obra. Trala lectura de El duelo, non podemos deixar de recomendárvolo. Trátase dunha obra en viñetas e autobiográfica na que a autora explica o proceso vivido trala morte da súa nai por un cancro. É un libro para chorar, empatizar, comprender as emocións dunha filla que perde,  inxustamente, á persoa máis importante da súa vida. Mais tamén para rir coas súas ocorrencias, gozar dunhas ilustracións potentísimas e descubrir, con ela, que a arte pode ser unha terapia. 

Non nos dá chegado o momento de ler a seguinte: Me das ansiedad. E que veñan moitas máis para seguir gozando da BD de Paula. E da súa especial sensibilidade.




Gañador do Combate Pokemon na Semana CAM

Hoxe celebrouse a final do Combate Pokemon, organizado dentro da Semana CAM. Parabéns ao gañador!




martes, 19 de marzo de 2024

Nana de tela e Louise Bourgeois en Petiscos de arte

Na tarde de hoxe, no club de lectura Petiscos de arte, traballamos con Nana de tela. La vida tejida de Louise Bourgeois. Trala lectura do álbum ilustrado, que narra a súa infancia rodeada de telas, lá e fíos, analizamos a influencia do mundo textil na súa obra. Nós, inspirámonos no fío para crear unhas chapas que quedaron chulísimas!






luns, 18 de marzo de 2024

Actividades da Semana CAM

Na mañá de hoxe houbo un montón de actividades sobre cómic e cultura xaponesa, como os obradoiros de haikus, papiroflexia e koinobori e a charla "Empeza a ler cómic". Ademais, destapáronse as exposicións adicadas a Akira Toriyama e a historia da banda deseñada en galego. Grazas a Tito, Juan, Óscar e Cecilia pola coordinación dos obradoiros, e a Nora e Iria por botar unha man! E como non, a Kiko Da Silva e o Salón do libro por prestarnos os paneis que decoran estes días a nosa biblioteca.












xoves, 14 de marzo de 2024

Todo preparado para a Semana CAM

Na tarde de hoxe, o alumnado do club de cómic e manga traballou arreo para deixar todo preparado para a semana CAM, que dará o pistoletazo de saída o próximo luns. Grazas, rapaces!