Preparando o Entroido

O noso alumnado voluntario está xa a preparar o Entroido coa ambientación da biblioteca.

Ademais, o alumnado de 4 ESO terá unha sesión divulgativa sobre o Entroido tradicional galego e, aqueles que cursan a materia de Educación Plástica, gozarán os días 20 e 27 dun obradoiro de máscaras dirixido por Electra, de Pedras de Papel, e organizado por Biblioteca (en colaboración co EDLG e o Departamento de Educación Plástica e Visual).

Obradoiros de xogos de mesa

O alumnado usuario dos xogos de mesa, realizou na mañá de hoxe un obradoiro para 1 ESO, de xeito que os pequenos aprendesen a xogar, coñecesen os materiais dispoñibles e pasasen un bo rato. Grazas aos monitores da actividade, que explicaron xenial e botamos todos unhas boas risas!

Actividades Novembro, mes da ciencia en galego na biblioteca

Co gallo de Novembro, mes da ciencia en galego na biblioteca, o voluntariado da biblioteca e o alumnado do club de lectura de ciencia teñen preparados uns obradoiros para a semana do 25 ao 29. 

E non esquezas entregar a túa maqueta científica. Tes de prazo ata o venres 29 para entregala na biblioteca! Participa e que a ciencia te acompañe!

Formación do voluntariado

Xa temos ao noso voluntariado preparado para as tarefas de xestión, procura de materiais e dinamización da biblioteca. Grazas por colaborar con nós, Iria, Alba, Nora, Martín e Óscar.

Obradoiro de árbores de Nadal na biblioteca

As nosas voluntarias da biblioteca realizaron, na mañá de hoxe, un obradoiro de árbores de Nadal con materiais de expurgo. O resultado, un verdadeiro éxito!