Na tarde de hoxe tivemos o pracer de ter a visita de Iván Montáns e Alfonso González de Radio Pontevedra. Axudáronnos coas dúbidas técnicas e déronnos moitos consellos para traballar coa radio nas aulas. Moitísimas grazas por todo! Foi unha tarde ben proveitosa!
Na tarde de hoxe comezamos o Seminario Recursos para a dinamización de biblioteca dentro do PFPP do centro, con moitas ideas, propostas e ganas de traballar. Iremos mostrando as sesións e trataremos de poñer en práctica todo o que vaia saíndo!
Na tarde de hoxe celebramos a segunda sesión de formación con Begoña Paz e Itzíar Ezquieta sobre o álbum ilustrado como recurso didáctico. Entramos de cheo en materia deseñando propostas interdisciplinarias a partir de álbumes e cómics, ademais das correspondentes propostas de itinerario lector.
Na tarde de hoxe, e dentro do marco do Seminario sobre Itinerarios lectores (PFPP), contamos coa presenza virtual de Irene Marín, profesora de Lingua castelá e literatura na Comunidade de Murcia e a que coñeciamos polas súas achegas nas redes sociais. Falounos da lectura como tarefa necesariamente interdisciplinaria, da súa forma de traballo, e de cadernos de lectura, knolling literarios, materiais de lectura para alumnado que se incorpora do estranxeiro sen coñecementos lingüísticos... Dende logo, abriunos un amplo abano de posibilidades sobre a lectura e as formas de avaliala. Foi un verdadeiro pracer escoitala!
Hoxe iniciamos o PFPP do centro co seminario sobre Itinerarios lectores, no que traballaremos once profesores e profesoras.
Na sesión de hoxe achegámonos ao concepto de Itinerarios lectores e avaliamos carencias da biblioteca en canto a títulos que consideramos imprescindibles nunha biblioteca escolar de secundaria.
